ក្លឹប Atletico Madrid បានប្រកាសរកឃើញបុគ្គលិក២នាក់មានផ្ទុកមេរោគ Covid-19 ដោយក្នុងនោះមានម្នាក់ជាកីឡាករបាល់ទាត់ក្នុងក្រុមធំផងដែរ។
កាលពីថ្ងៃសៅរ៍កន្លងទៅ ក្លឹប AT Madrid បានចាប់ផ្ដើមធ្វើការតេស្ដកីឡាកររបស់ខ្លួនមុនមួយថ្ងៃ ដើម្បីធ្វើដំណើរទៅប្រទេសព័រទុយហ្គាល់ ត្រៀមខ្លួនលេងវគ្គ៨ក្រុមចុងក្រោយ UEFA Champions League ។ តែលទ្ធផលនៃការធ្វើតេស្ដនោះចេញមកថា មានសមាជិកដល់ទៅ២នាក់ឯណោះ បានឆ្លងមេរោគ Covid-19 ដោយក្នុងនោះមានម្នាក់ជាកីឡាករបាល់ទាត់។
ការណ៍នេះហើយ នឹងធ្វើឱ្យរអាក់រអួលសម្រាប់ការធ្វើដំណើរទៅព័រទុយហ្គាល់ ខណៈដែលគេបារម្ភថាអាចនឹងមានកីឡាករផ្សេងទៀតក្នុងក្រុមបានឆ្លងមេរោគដែរ។ ក្រុម AT Madrid បានប្រមូលផ្ដុំហ្វឹកហាត់ជាមួយគ្នារាល់ថ្ងៃ ដូច្នេះហើយទើបគេគិតថាអាចនឹងមានការឆ្លងគ្នាមិនខាន៕ប្រភព Marca
