ក្រុម Chelsea នឹងត្រូវទៅប្រកួតជាមួយក្រុម Bayern Munich នៅម៉ោង២រំលងអាធ្រាត្រនេះ ក្នុងវគ្គ១៦ក្រុមចុងក្រោយជើងទី២នៃពានរង្វាន់ UEFA Champions League ។
ក្រុមរបស់លោក Lampard កាលពីលេងនៅជើងទី១កន្លងទៅនៅទឹកដីអង់គ្លេស បានភ្លាត់ចាញ់ក្រុមខ្លាំងអាល្លឺម៉ង់ដល់ទៅ៣-០ ទៅហើយ។ ដូច្នេះនៅជើងទី២រាត្រីនេះ ពិតជាតឹងតែងខ្លាំងណាស់សម្រាប់ពួកគេក្នុងការឡើងទៅវគ្គបន្ដ។ ដោយត្រូវធ្វើយ៉ាងណាឈ្នះ ៤-០ ឱ្យបានឬរកគ្រាប់បាល់ចំណេញច្រើនជាងនេះទៀត ដើម្បីឆ្លងទៅវគ្គ៨ក្រុមចុងក្រោយ។
អ្នកចាត់ការ Lampard បាននិយាយថា៖ “យើងមកទឹកដីអាល្លឺម៉ង់នេះ ដើម្បីឆក់យកឱកាសទៅលេងនៅវគ្គ៨ក្រុមចុងក្រោយ។ វាជារឿងពិបាកមួយ ប៉ុន្តែអ្វីគ្រប់យ៉ាងសុទ្ធតែអាចទៅរួច វាជាការប្រកួតដ៏អស្ចារ្យ។ យើងត្រូវតែមានអ្វីពិសេសទើបអាចយកឈ្នះក្រុម Bayern Munich បាន”៕ប្រភព Dailymail