ក្រុម Juventus បានធ្លាក់ចេញពីពានរង្វាន់ UEFA Champions League ត្រឹមវគ្គ១៦ក្រុមចុងក្រោយហើយ ក្រោយពីលេងបានត្រឹមឈ្នះ Lyon ២-១ ជើងទី២ក្នុងដីខ្លួនឯងនៅយប់មិញនេះ។
ជ័យជម្នះ ២-១ នៅជើងទី២ដីខ្លួនឯង មិនអាចជួយក្រុមសេះបង្កង់ឡើងវគ្គបន្ដបានឡើយ ព្រោះកាលពីជើងទី១កន្លងទៅ ពួកគេបានចាញ់ក្នុងលទ្ធផល ១-០ ទៅហើយ។ កត្តាធ្លាក់ត្រឹមវគ្គ១៦ក្រុមចុងក្រោយនេះ បានធ្វើឱ្យមតិជាច្រើនជាពិសេសក្រុមអ្នកកាសែតនៅអ៊ីតាលីតែម្ដង ដែលនាំគ្នាចុះផ្សាយថាដល់ពេលលោក Sarri ត្រូវដកចេញពីក្រុម Juventus ហើយ។
ពួកគេបានចុះផ្សាយបែបនេះថា៖ “Sarri គួរតែចេញហើយ។ បើទោះបីជា Ronaldo ធ្វើបានយ៉ាងអស្ចារ្យយ៉ាងណាក្ដី ប៉ុន្តែលោក Sarri នៅតែដឹកនាំក្រុមធ្លាក់ត្រឹមវគ្គ១៦ក្រុមចុងក្រោយទៀត។ វាបានបង្ហាញថាលោកបរាជ័យហើយក្នុងការដឹកនាំក្រុម Juventus ”៕ប្រភព Dailymail
