ខ្សែប្រយុទ្ធ Gareth Bale និង James Rodriguez មិនមានឈ្មោះក្នុងបញ្ជីក្រុម Real Madrid ដើម្បីធ្វើដំណើរទៅប្រកួតជាមួយក្រុម Manchester City នៅយប់ថ្ងៃសុក្រស្អែកនេះនោះទេ។
Bale និង James បានមកហាត់ជាធម្មតានៅក្នុងក្រុមកាលពីពេលកន្លងទៅនេះ ប៉ុន្តែបើតាមបញ្ជីឈ្មោះដែលក្លឹបបញ្ជាក់ គឺមិនមានកីឡាករទាំងពីរនាក់នេះទេ សម្រាប់ការធ្វើដំណើរទៅអង់គ្លេស។ ដោយនេះបានបញ្ជាក់ថាទំនាក់ទំនងរវាងកីឡាករទាំងពីរ និងអ្នកចាត់ការ Zidane បានឈានដល់ទីបញ្ចប់ទៅហើយ។ លោក Zidane ដែលជាអ្នកចាត់ការក្រុម បានបញ្ចូលឈ្មោះកីឡាករក្មេងៗក្នុងក្រុមជំនួសពួកគេទាំងពីរ។
ខ្សែប្រយុទ្ធជម្រើសជាតិវែល និងកូឡុំប៊ីខាងលើទាំងពីរនេះដែរ កាលពីចុងរដូវកាលកន្លងទៅនេះ ក៏ពួកគេមិនមានឈ្មោះលេងដែរ។ Bale បានត្រឹមអង្គុយកៅអីបម្រុង ខណៈដែល James វិញ មិនមានឈ្មោះតែម្ដង ដោយសាមីខ្លួនសុំមិនបាច់បញ្ចូលឈ្មោះគេទេ បើសិនជាមិនដាក់ឱ្យលេងដដែល៕ប្រភព Marca
