Toure អតីតកីឡាករ Liverpool ម្នាក់ បានអះអាងថាខ្សែការពារ Van Dijk ពិតជាធ្វើបានល្អណាស់កន្លងមកនេះ ប៉ុន្តែកីឡាករហុល្លង់រូបនេះក៏នៅមានចំណុចខ្វះខាតផងដែរ។
Van Dijk តាំងពីផ្លាស់ចូលរួមជាមួយ Liverpool មក រូបគេបានក្លាយជាកីឡាករសំខាន់បំផុតម្នាក់ និងជួយក្រុមការពារសំណាញ់ទីបានច្រើនមែនទែន។ កីឡាករមាឌធំរូបនេះ រដូវកាលមុនក៏កាន់តំណែងខ្សែការពារគ្មាននរណាញាក់ផុតច្រើនប្រកួតជាប់ៗគ្នាផងដែរ។ រហូតមកដល់រដូវកាលនេះ Van Dijk ក៏បានសម្រេចប្រាថ្នា ជួយក្រុមហង្សក្រហមឈ្នះពានលីគថែមទៀត។
ត្បិតតែល្អយ៉ាងនេះមែន ប៉ុន្តែបើតាម Toure ដែលធ្លាប់ជាកីឡាករឆ្នើមម្នាក់បានអះអាងថាអតីតកីឡាករ Southampton ខាងលើនៅតែមានចំណុចខ្សោយដដែល។ ខ្សែប្រយុទ្ធប្រសិនបើចង់ឱ្យ Van Dijk ពិបាក គឺត្រូវអូសឡើងប្រយុទ្ធមួយទល់មួយ។ ប្រសិនបើលេងបែបនេះមែន នោះ Van Dijk នឹងជួបការលំបាកមិនខាន៕ប្រភព Goal