នៅយប់ថ្ងៃទី ៣ សីហា ឆ្នាំ ២០២០ លើទំព័រហ្វេសប៊ុកផ្លូវការរបស់ក្លឹប Arsenal ដែលមាន Follower ច្រើនជាង ៣៧ លាននាក់ បានបង្ហោះនៅមាតិកាមួយ ពាក់ព័ន្ធនឹងការអរគុណដល់អ្នកគាំទ្រនៅទូទាំងសកលលោក ក្រោយពីក្រុមរបស់ខ្លួនបានឈ្នះពាន FA Cup។
ក្នុងនោះគឺ ក្លឹប Arsenal ចង់បង្ហាញការអរគុណជាពិសេសដល់អ្នកគាំទ្រសម្រាប់ជ័យជម្នះនៅការប្រកួត FA Cup ប៉ុន្តែអ្វីដែលរំភើបខ្លាំងបំផុតនោះ គឺទង់ជាតិ (រូបភាព Emoji) អ្នកគាំទ្រកម្ពុជា បានរំលេចអមគ្នានៅចំណោមប្រទេសទាំង ៧ ដែលក្លឹបបានជ្រើសរើសយកមកបង្ហោះ មានម៉ិកស៊ីកូ អៀរឡង់ ថៃ រ៉ូម៉ានី អ៊ីតាលី និងគែ (រដ្ឋធានីអេហ្សីប)។
គួរបញ្ជាក់ថានៅចំណោមរូបភាពនៃអ្នកគាំទ្រទាំងប៉ុន្មានប្រទេសដូចបានរៀបរាប់ខាងលើ ក៏រូបភាពរបស់អ្នកគាំទ្រកម្ពុជាយើង ទទួលបានចំនួនចុច Like ច្រើនជាងគេផងដែរ ដែលនេះបង្ហាញឲ្យឃើញថាទំហំនៃក្តីស្រលាញ់និងការគាំទ្រទៅលើក្លឹបបាល់ទាត់ Arsenal ពីសំណាក់បងប្អូនយើងក៏មិនណយនោះដែរ៕