លោក Arsene Wenger បានបង្ហាញឈ្មោះក្រុម២ដែលអាចនឹងមានឱកាសខ្ពស់ឈ្នះ UEFA Champions League បានគឺ Manchester City និង PSG ។
ការប្រកួត UCL នឹងត្រលប់មកវិញនៅចុងសប្ដាហ៍នេះហើយ ដោយក្រុមដែលត្រូវលេងជើងទី២ វគ្គ១៦ក្រុមចុងក្រោយនឹងប្រកួតគ្នា ដើម្បីស្វែងរកអ្នកឡើងទៅវគ្គ៨ក្រុមចុងក្រោយ។ សម្រាប់ការមើលឃើញរបស់លោក Wenger អតីតអ្នកចាត់ការក្រុម Arsenal មើលឃើញថាក្រុម២ដែលមានទម្រង់លេងល្អជាងគេ ហើយក៏មានឱកាសឈ្នះពានរដូវកាលនេះដែរ។
២ក្រុមនោះគឺ Man City និង PSG ។ លោក Wenger បានប្រាប់ហេតុផលថាក្រុម២នេះ បានរៀបចំក្រុមបានល្អ ជាពិសេស PSG មានពេលសម្រាកច្រើនមែនទែន។ ខណៈដែលការចាប់គូវគ្គបន្ដបន្ទាប់វិញ ក៏បានបង្ហាញថាក្រុម២នេះ អាចមានសង្ឃឹមច្រើនជាងគេឡើងដល់វគ្គផ្ដាច់ព្រ័ត្រផងដែរ៕ប្រភព Goal
