តាមរបាយការណ៍ពី Corriere della Sera បានចុះផ្សាយថា ម្ចាស់ពាន Ballon d’Or ៥ សម័យកាលនិងទើបតែលើកពាន Serie A លើកទី ២ គឺ Cristiano Roanldo បានទិញនៅរថយន្តថ្មីមួយគ្រឿងទៀតហើយ នោះគឺ Bugatti Centodieci សេរ៊ីចុងក្រោយបង្អស់តម្លៃជាង ១១ លានដុល្លារអាមេរិក។
រថយន្តនេះបច្ចុប្បន្នមានផលិតតែ ១០ គ្រឿងប៉ុណ្ណោះក្នុងលោក ដោយវាប្រើប្រាស់ម៉ាស៊ីន W16 ចំណុះ ៨ លីត្រ មានកម្លាំង ១ ៦០០ សេះ ហើយមានល្បឿនស្ទុះ ០-១០០ គ.ម/ម៉ ប្រើពេលត្រឹម ២,៤ វិនាទី អមល្បឿនអតិបរមាឡើងដល់ជិត ៣៨០ គ.ម/ម៉។
បញ្ជាក់ថានេះជាកាដូទីពីរហើយ ដែល Ronaldo ទិញជូនខ្លួនឯងនិងក្រុមគ្រួសារ ក្រោយការឈ្នះពាន Serie A បន្ទាប់ពីទើបទិញនាវាខ្នាតយក្សថ្មីកាលពីពេលកន្លងទៅ ដែលមានតម្លៃជាង ៧ លានដុល្លារផងដែរ៕
ប្រភព៖ SportBible