ព្រះអង្គម្ចាស់អារ៉ាប៊ីសាអ៊ូឌីត បានប្រកាសលែងដេញថ្លៃយកក្លឹប Newcastle United ហើយ បន្ទាប់ពីមានការរារាំងនិងបញ្ហាកើតឡើងច្រើនខ្លាំងពេក។
កាលពីខែមេសាកន្លងទៅ ប្រធានក្លឹប Newcastle United បានព្រមលក់ក្លឹបនេះឱ្យទៅព្រះអង្គម្ចាស់Mohammed bin Salman ទៅហើយ ក្នុងតម្លៃ៣០០លានផោន។ តែក្រោយពីមានដំណឹងនេះទៅ រឿងចម្រូងចម្រាស់ជាច្រើនបានកើតឡើង ទាំងការលក់សិទ្ធិផ្សាយ និងក្លឹបធំៗនៅអង់គ្លេសក៏បានចេញមុខមិនពេញចិត្តផងដែរ។ ការដោះស្រាយបញ្ហាទាំងអស់ប្រើពេលជាច្រើនខែ តែចុងក្រោយមិនអាចទៅមុខរួចទេ ដូច្នេះទើបពេលនេះព្រះអង្គម្ចាស់អារ៉ាប៊ីសាអ៊ូឌីតសម្រេចចិត្តឈប់ទិញក្លឹបនេះហើយ។
លោក Mike Ashley ដែលជាម្ចាស់ក្លឹប Newcastle United នាពេលបច្ចុប្បន្ននេះនៅតែរក្សាចិត្តដើម្បីលក់ក្លឹបនេះចោលដដែល។ ពួកគេបានបញ្ជាក់ច្បាស់ថារដូវកាលដោះដូរកីឡាករខាងមុខនេះ នឹងមិនមានទិញកីឡាករថ្មីណាចូលនោះទេ៕ប្រភព Dailymail
