Timo Werner បានបង្ហើបថាវត្តមានរបស់លោក Frank Lampard គឺជាកត្តាធំដែលបានជំរុញរូបគេឱ្យផ្លាស់មកលេងនៅក្រុម Chelsea នេះ។
កីឡាករវ័យ២៤ឆ្នាំបានចាប់ផ្ដើមហ្វឹកហាត់ជាមួយក្រុម Chelsea ហើយ ក្រោយពីសម្រេចការផ្ទេរតម្លៃ៥៣លានផោនពីក្រុម Leipzig មក។ Werner នេះ ដំបូងឡើយក្រុម Liverpool ក្រោមការដឹកនាំរបស់លោក Klopp ទេ ដែលចង់បាននិងទាក់ទងខ្លាំង តែដោយសារតម្លៃខ្លួនខ្ពស់ ទើបក្រុមហង្សក្រហមដកខ្លួនចេញ ហើយតោខៀវ Chelsea ជាអ្នកមកជំនួសវិញ។
កីឡាករអាល្លឺម៉ង់ខាងលើបានបង្ហាញចំណាប់អារម្មណ៍ក្នុងការផ្ទេរមកលេងនៅ Chelsea ថា៖ “ខ្ញុំសម្រេចមកទីនេះ គឺដោយសារតែមានការជ្រោមជ្រែងពី Lampard និង Petr Cech។ ខ្ញុំចាប់ផ្ដើមចូលចិត្ត Chelsea នៅពេលឃើញ Drogba លេងកាលពីមុន ហើយខ្ញុំចង់ដើរតាមគាត់។ មិនត្រឹមតែប៉ុណ្ណឹងទេ ខ្ញុំក៏ចង់ចូលរួមជាផ្នែកថ្មីមួយសម្រាប់ក្រុម ដើម្បីសម្រេចជោគជ័យដែរ។ ខ្ញុំនឹងផ្ដល់គ្រប់យ៉ាងដែលមាន ជួយក្រុមនេះទៅថ្ងៃមុខ”៕ប្រភព Dailymail