Jesse Lingard ទទួលស្គាល់ថារដូវកាលនេះ ជារដូវកាលអន់បំផុតរបស់ខ្លួនក្នុងអាជីពបាល់ទាត់ ព្រោះតែហេតុផលជាច្រើនដែលបានកើតឡើងលើគេ។
Lingard រដូវកាលនេះលេងបានតែ៩ប្រកួតប៉ុណ្ណោះ ប៉ុន្តែអ្វីដែលគេចាប់អារម្មណ៍នោះគឺប្រកួតចុងក្រោយទល់ Leicester City តែម្ដង។ រូបគេបានក្លាយជាកីឡាករចុងក្រោយនៅ Premier League ដែលរកគ្រាប់បាល់បាន នារដូវកាលនេះ។ ដោយឡែកជារួមសម្រាប់ពេញមួយរដូវកាលតែម្ដង កីឡាករជម្រើសជាតិអង់គ្លេសនេះថា ខ្លួនធ្វើមិនបានល្អទេ ដោយសំអាងលើហេតុផលជាច្រើន។
ក្នុងនោះដែរ Lingard និយាយថា៖ “ខ្ញុំបានធ្លាក់ខ្លួន បាត់បង់ភាពជាកីឡា និងមនុស្ស នៅពេលម្ដាយខ្ញុំធ្លាក់ខ្លួនឈឺនៅដើមរដូវកាល។ តែខ្ញុំមិនចង់បោះបង់ទេ ខ្ញុំដឹងថាខ្ញុំជានរណា។ ខ្ញុំដឹងថាខ្ញុំអាចត្រលប់មកវិញបាន ដោយការខំប្រឹងប្រែងដូចកាលពីមុន។ ខ្ញុំនឹងមិនបោះបង់ទេ”៕ប្រភព Bbc
