នៅប៉ុន្មានឆ្នាំចុងក្រោយនេះ Premier League ត្រូវបានគេដឹងថាជាក្របខ័ណ្ឌដែលចាយលុយយ៉ាងក្រាស់ក្រែលបំផុតមួយ នៅតំបន់អឺរ៉ុប។ តួយ៉ាងដូចជាក្លឹបកំពូល Liverpool និង Manchester City ជាដើម។
តាមរបាយការណ៍ពី TransferMarkt បានបង្ហាញនៅកីឡាករកំពូល ៥ រូបដែលមានហាងឆេងខ្ពស់បំផុតនៅពេលបច្ចុប្បន្ននេះ។
ទីមួយគឺ Raheem Sterling ដែលក្រោយចាកចេញពី Liverpool នៅឆ្នាំ ២០១៥ មកទល់ពេលនេះលេងឲ្យ Man City ច្រើនជាង ២៤០ ប្រកួតហើយ។ ហាងឆេងថ្លៃខ្លួនបច្ចុប្បន្នរបស់គេឡើងខ្ពស់ដាច់គេប្រចាំលីគដល់ទៅ ១២៨ លានអឺរ៉ូ។
អ្នកបន្ទាប់គឺ Sadio Mane ដោយបច្ចុប្បន្នខ្សែប្រយុទ្ធលេងឲ្យហង្សរូបនេះ មានតម្លៃខ្លួនប្រមាណ ១២០ លានអឺរ៉ូស្មើនឹង Mohamed Salah ដោយកីឡាករអេហ្សីបបានផ្ទេរមកហង្សនៅឆ្នាំ២០១៧ កាលនោះនៅតម្លៃខ្លួនប្រមាណ ៤២ លានអឺរ៉ូ តែពេលនេះក៏ឡើងដល់ ១២០ លានអឺរ៉ូដូចគ្នា។
ទៅមើល Harry Kane ក៏មានហាងឆេងដូចអ្នកទាំងពីរខាងលើអ៊ីចឹងដែរ ដោយរាប់ជាគ្រាប់ពេជ្រដ៏សំខាន់បំផុតមួយរបស់ Spurs។ រីឯ Kevin de Bruyne ជាកីឡាករ Man City ថ្លៃបំផុតលំដាប់ទីពីរ និងជាខ្សែបម្រើថ្លៃបំផុតលំដាប់ទី ១ នៅ PL មានតម្លៃ ១២០ លានអឺរ៉ូ៕
ប្រភព៖ Marca