ក្លឹប Brighton បានប្រកាសនៅដំណឹងផ្លូវការមួយ ជុំវិញការចុះហត្ថលេខានាំយកកីឡាករឥតតម្លៃខ្លួន (ឬកីឡាករផុតកុងត្រា) របស់ Liverpool នោះគឺ Adam Lallana។
ខ្សែបម្រើវ័យ ៣២ ឆ្នាំបានមកចូលរួមនៅហង្សនាឆ្នាំ ២០១៤ ហើយបានជោគជ័យឈ្នះពានច្រើនគួរសម រាប់ទាំងពានធំៗ UCL និង PL កន្លងទៅដែរនោះ។
អ្នកចាត់ការក្លឹប Brighton គឺលោក Graham Potter បាននិយាយជុំវិញការមកដល់នៃចំណូលថ្មីរូបនេះថា៖ “ការមកដល់របស់ Adam ជាការចុះហត្ថលេខាដ៏គួរឲ្យចាប់អារម្មណ៍មួយ ខ្ញុំជឿថាអ្នកគាំទ្រនឹងពិតជាចង់ឃើញការលេងរបស់គេ និងនៅពេលដែលការប្រកួតអាចត្រលប់មកដូចដើមវិញ”។
បញ្ជាក់ថា Lallana បានបង្ហាញខ្លួនលើកចុងក្រោយបង្អស់ ក្រោមការដឹកនាំរបស់ Klopp នៅប្រកួតកាលពីខែមិនា ហើយគេបានខកខានវត្តមានឈរជើងលើទីលានអស់រយៈពេលច្រើនខែមកហើយ មុននឹងដល់ថ្ងៃចាកចេញទៅនេះ៕
ប្រភព៖ Sportsmole