ហង្សក្រហម Liverpool ពិតជាធ្វើបានល្អមែននៅពានរង្វាន់ International Champions Cup ដោយបានយកឈ្នះលើក្រុមខ្លាំង Manchester City ក្នុងលទ្ធផល ២-១។
កីឡាករវ័យក្មេង Sane ជាអ្នករកគ្រាប់បាល់នាំមុខបានមុនឱ្យក្រុម Manchester City នៅនាទី៥៧ ដោយទទួលបានបាល់ Assist ពីមិត្តរួមក្រុម Bernardo Silva ។ យ៉ាងណាមិញ ក្រោយពីនាំមុខនេះហើយ ក្រុម Liverpool បានផ្លាស់ប្ដូរកីឡាករ Salah ចូល ហើយក៏រកគ្រាប់បាល់បានភ្លាមតែម្ដងនៅនាទី៦៣នៃការប្រកួត។ ជិតនឹងចប់ទៅហើយនោះ Mane កីឡាករសំខាន់ក្នុងក្រុមអាចរកបាន១គ្រាប់ទៀត ដើម្បីជាការយកឈ្នះលើក្រុមជើងឯកលីគកំពូលអង់គ្លេសតែម្ដងក្នុងលទ្ធផល ២-១។
ដោយឡែកគូជក់ចិត្ត១គូទៀតដែរ គឺ Juventus ជាមួយ Bayern Munich នោះ ក្រុមជើងឯកអ៊ីតាលីបានយកឈ្នះលើក្រុមជើងឯកអាល្លឺម៉ង់ក្នុងលទ្ធផល ២-០ ឯណោះ៕ប្រភព៖ DailyMail
