ក្រុម Manchester United នឹងត្រូវប្រកួតជាមួយក្រុម Leicester City ក្នុងការប្រកួតចុងក្រោយបិទការប្រកួត Premier League រដូវកាលនេះ ហើយវាក៏ជាការប្រកួតកាត់សេចក្ដីយកក្រុមឡើងទៅលេងនៅ UEFA Champions League ផងដែរ។
សម្រាប់ការប្រកួតនេះ ក្រុមបិសាចក្រហមត្រូវការតែស្មើក៏ពួកគេមានឱកាសឡើងទៅលេងនៅ UEFA Champions League ដែរ ព្រោះបច្ចុប្បន្នពួកគេស្ថិតនៅចំណាត់ថ្នាក់លេខ៣ស្រាប់។ តែសម្រាប់លោក Solskjaer វិញ ប្រកួតចុងក្រោយនេះ លោកទាមទារជ័យជម្នះដាច់ខាត មិនមែនលេងដើម្បីចង់ស្មើនោះទេ។ អ្នកចាត់ការវ័យក្មេងរូបនេះ អះអាងថាលោកចង់បានជ័យជម្នះជាជាងការផ្សងសំណាងវិញ។
“យើងចង់យក៣ពិន្ទុពេញពីក្រុម Leicester City ហើយយើងមិនប្ដូរគោលដៅនេះទេ។ យើងចង់លេងប្រកួតនេះឱ្យល្អបំផុត យើងចង់ទៅផ្ទះរបស់ពួកគេ និងព្យាយាមដើម្បីយកជ័យជម្នះ។ វាមិនទាន់ចប់ទេ គ្រប់វិនាទីទាំងអស់សុទ្ធតែអាចធ្វើឱ្យយើងគ្រោះថ្នាក់។ យើងបានផ្ដល់ឱកាសឱ្យខ្លួនឯង ដើម្បីបានលេង Champions League ហើយ”។ សម្ដីលោក Solskjaer ៕ប្រភព Dailymail