ក្រុម Juventus នឹងលើកពានរង្វាន់ Serie A នៅយប់នេះតែម្ដង ប្រសិនបើពួកគេអាចយកឈ្នះលើក្រុម Udinese បាននៅម៉ោង១២:៣០នាទីរំលងអាធ្រាត្រនេះ។
ក្រុម Inter Milan ដែលលេងស្មើក្រុម Fiorentina ក្នុងលទ្ធផល ០-០ នោះ គឺបានផ្ដល់ឱកាសល្អសម្រាប់ក្រុម Juventus ហើយត្រឹមសប្ដាហ៍ទី៣៥នេះ។ ពោលគឺប្រសិនបើ Juventus លេងឈ្នះនៅយប់នេះ នោះពួកគេនឹងបានលើកពានរង្វាន់ Serie A តែម្ដង ទោះសល់៣ប្រកួតក្នុងដៃទៀតក៏ដោយ។ បើឈ្នះ Juventus នឹងដាច់ពិន្ទុក្រុមលេខ២ Atalanta ៩ពិន្ទុ និងដាច់ Inter Milan ១០ពិន្ទុ។ ដាច់ត្រឹម៩ពិន្ទុពីក្រុមលេខ២ ហើយសល់៣ប្រកួតក្នុងដៃ គឺអាចធ្វើឱ្យ Juventus លើកពានបានហើយ ព្រោះ Head-to-head របស់ Juventus ល្អជាង Atalanta ។
រំលឹកថាប្រសិនបើរដូវកាលនេះ Juventus ឈ្នះពានរង្វាន់ទៀត នោះ៩រដូវកាលជាប់គ្នាហើយដែលក្រុមមួយនេះលើកពានលីគកំពូលអ៊ីតាលី ដែលជាកំណត់ត្រាក្ដោបពានបានច្រើនឆ្នាំជាប់គ្នាជាងគេ៕ប្រភព Dailymail
