Gareth Southgate គ្រូបង្វឹករបស់ក្រុមជម្រើសជាតិអង់គ្លេស ជាប់ឈ្មោះជាបេក្ខភាពទាំង១១ ដណ្ដើមយកពានរង្វាន់គ្រូបង្វឹកល្អជាងគេប្រចាំឆ្នាំ FIFA The Best Men’s Coach 2018។
ក្រោយពីដឹកនាំក្រុមជម្រើសជាតិអង់គ្លេសបានល្អនៅព្រឹត្តិការណ៍ World Cup កន្លងទៅ ទទួលបានលេខ៤ លោក Southgate ទទួលបានប្រជាប្រិយភាពខ្លាំងមែនទែន។ ត្បិតអីអង់គ្លេស ជាក្រុមមានលីគល្បីឈ្មោះ ប៉ុន្តែជម្រើសជាតិវិញធ្វើមិនបានល្អឡើយ ប៉ុន្មានឆ្នាំចុងក្រោយមកនេះ។ ដោយតែមើលឃើញផលល្អនេះហើយ បានជាគេបោះយកគ្រូបង្វឹករូបនេះឱ្យមានឈ្មោះជាបេក្ខភាពទាំង១១ដណ្ដើមយកពានរង្វាន់ធំនេះដែរ។
យ៉ាងណាមិញ ១១នាក់ដែលជាបេក្ខភាពដណ្ដើមនោះ មានតែ២នាក់ប៉ុណ្ណោះហាក់ដូចជាធ្វើបានល្អជាងគេ ពោលគឺលោក Didier Deschamps គ្រូបង្វឹកជម្រើសជាតិបារាំង និងលោក Zidane អ្នកចាត់ការក្រុម Real Madrid ។ Didier Deschamps ជាអ្នកនាំបារាំងលើកពាន World Cup ជាលើកទី២ ក្នុងប្រវត្តិសាស្ត្រ ស្របពេលដែល Zidane វិញ ជាអ្នកចាត់ការនាំ Real Madrid លើកពាន UEFA Champions League បាន៣សម័យកាលជាប់គ្នា។
សូមបញ្ជាក់ថាបេក្ខភាពទាំង១១នាក់រួមមាន Gareth Southgate, Didier Deschamps , Zidane , Ernesto Valverde, Diego Simeone, Roberto Martinez, Jurgen Klopp, Pep Guardiola, Zlatko Dalic, Stanislav Cherchesov និង Massimiliano Allegri៕ប្រភព៖ DailyMail