ក្រោយពីចាញ់ក្រុម Barcelona នៅយប់មិញនេះ បានធ្វើឱ្យក្រុម Espanyol ធ្លាក់ចេញពីពានរង្វាន់ La Liga ជាផ្លូវការហើយ បើទោះជាសល់ការប្រកួត៣ប្រកួតទៀតក៏ដោយ។
ចាប់តាំងពីឆ្នាំ១៩៩៤មក ក្រុម Espanyol បានចូលខ្លួនមកលេងនៅលីគកំពូលអេស្ប៉ាញជាប់រហូតក្នុងរយៈពេល២៧ឆ្នាំមកហើយ។ អំឡុងពេលនេះ ក្លឹបមួយនេះបានផ្លាស់ប្ដូរថ្នាក់ដឹកនាំនិងកីឡដ្ឋានប្រកួតជាច្រើន ដោយបច្ចុប្បន្ននេះសេដ្ឋីចិនជាអ្នកកាន់កាប់ភាគរយស្ទើរតែទាំងស្រង់តែម្ដង។ តែគួរឱ្យស្ដាយក្នុងរដូវកាលនេះ ពួកគេបានធ្លាក់ចេញទៅលេងនៅលីគលំដាប់ទី២ហើយ។ រដូវកាលនេះ ពួកគេផ្លាស់ប្ដូរគ្រូបង្វឹកដល់ទៅ៣នាក់ឯណោះ តែនៅតែមិនអាចជួយស្រោចស្រង់ក្រុមបាន។
នេះជាប្រវត្តិសាស្ត្រអាក្រក់មួយសម្រាប់ក្លឹបមួយនេះ ដែលដំបូងមកក៏ជាក្រុមប្រជែងពានរង្វាន់នឹងគេដែរ។ Espanyol ធ្លាប់ឈ្នះពានរង្វាន់ Copa del Rey បាន៤ដង និងជើងឯករងបាន៥ដង។ ខណៈដែលពាន UEFA Cup ឬបច្ចុប្បន្នហៅថា Europa League វិញធ្លាប់បានលេខ២ចំនួន២ដងផងដែរ៕ប្រភព Marca
