លោក Solskjaer អ្នកចាត់ការក្រុម Manchester United បានបញ្ជាក់ថាលោកឱ្យខ្សែប្រយុទ្ធ Rashford និង Bruno ចែកគ្នាស៊ុតប៉េណាល់ទី ប្រសិនបើក្រុមទទួលបានបាល់ប៉េណាល់ទី។
ក្រុមបិសាចក្រហម Manchester United នឹងត្រូវលេងទល់ក្រុម Aston Villa នៅម៉ោង២:១៥នាទីរំលងអាធ្រាត្រនេះ សម្រាប់ការប្រកួត Premier League សប្ដាហ៍ទី៣៤។ ការប្រកួតនេះដែរ សំខាន់ណាស់សម្រាប់ក្រុមទាំងពីរ ពោលគឺ Man Utd ត្រូវការឈ្នះដាច់ខាតដើម្បីប្រជែងចូល Top4 និង Aston Villa វិញក៏ត្រូវការឈ្នះដូចគ្នា ដើម្បីមានឱកាសគេចឱ្យផុតតំបន់កាត់ចោល។
មុនការប្រកួតនេះចាប់ផ្ដើម លោក Solskjaer អ្នកចាត់ការក្រុម Man Utd បាននិយាយថាលោកមានទំនុកចិត្តថានឹងទទួលបានជ័យជម្នះបន្ដទៀត។ វាជាប្រកួតសំខាន់ ហើយច្បាស់ណាស់៣ពិន្ទុជារឿងចាំបាច់បំផុតសម្រាប់ក្រុមខ្លួន។ សម្រាប់រឿងចាត់តាំងអ្នកស៊ុតប៉េណាល់ទីវិញ អ្នកចាត់ការខាងលើនេះ បញ្ជាក់ថានរណាស៊ុតក៏បានឱ្យតែក្រុមឈ្នះ។ ដោយបច្ចុប្បន្ននេះ លោកថា Rashford និង Bruno ជាអ្នកទទួលតំណែងប៉េណាល់ទីនេះ ដោយចែកគ្នាស៊ុតម្ដងម្នាក់៕ប្រភព Dailymail