ក្រុម Juventus លេងចាញ់ក្រុម AC Milan នៅចុងម៉ោង ក្នុងលទ្ធផល ៤-២ សម្រាប់ការប្រកួតពានរង្វាន់ Serie A សប្ដាហ៍ទី៣១នៅយប់មិញនេះ។
ក្រុមសេះបង្កង់លេងល្អនៅ៦០នាទីនៃការប្រកួត ដោយអាចរកគ្រាប់បាល់នាំមុខបាន២គ្រាប់ ដោយ Rabiot និង Cristiano Ronaldo។ តែរយៈពេល៣០នាទីចុងក្រោយវិញ ពួកគេធ្វើមិនបានល្អនោះទេ ដោយកីឡាករក្រុម Juventus ទាំងអស់ហាក់ដូចជាហត់នឿយ និងបាត់បង់ស្មារតីប្រកួតទៅហើយ។ កត្តានេះធ្វើឱ្យ AC Milan មានឱកាសស្វែងរកគ្រាប់បាល់ជាបន្ដបន្ទាប់ រហូតវាយបកឈ្នះវិញបាន ៤-២ឯណោះ។
សម្រាប់រឿងនេះដែរ លោក Sarri អ្នកចាត់ការក្រុម Juventus បាននិយាយថាវាមិនចម្លែកនោះទេ នៅពេលក្រុមមួយលេងញឹកគ្នាខ្លាំងពេក ៣ថ្ងៃ២ប្រកួតនោះ។ កូនក្រុមរបស់លោកធ្វើបានល្អ៦០នាទី ប៉ុន្តែបន្ទាប់មកទៀតពួកគេជាពិសេសតំបន់ការពារបានបាត់បង់ស្មារតីប្រកួតទៅហើយ ទើបធ្វើឱ្យដៃគូមានឱកាសរកគ្រាប់បាល់បាន។ លោក Sarri មិនបារម្ភចំពោះលទ្ធផលឡើយ ដោយលោកអះអាងថាក្រុមទាំងអស់ក៏នឹងជួបបញ្ហាអស់កម្លាំងចុងម៉ោងដោយសារប្រកួតញឹកពេក ដូច Juventus ដែរ៕ប្រភព Football
