James Rodriguez របស់ក្រុម Real Madrid បានដាក់គោលដៅយកក្រុម Manchester United ជាងគេ ក្នុងចំណោមក្លឹបដែលចង់បានរូបគេទាំងអស់។
James ត្រូវបានក្លឹប Real Madrid ដាក់លក់ចេញនៅរដូវកាលខាងមុខនេះ ក្រោយពីរូបគេមិនស្ថិតក្នុងចំណោមកីឡាករដែលលោក Zidane ត្រូវប្រើប្រាស់នោះទេ។ ខ្សែប្រយុទ្ធកូឡ៊ុំបីខាងលើនេះ មានក្លឹបជាច្រើនចង់បាន ទាំងនៅអង់គ្លេសនិងអ៊ីតាលី។ នៅអង់គ្លេសមាន Man Utd , Arsenal , Wolves និង Everton ជាដើម សុទ្ធតែទាក់ទងចង់បានរូបគេទៅលេងឱ្យនៅរដូវកាលក្រោយ។
តែបើតាមសាមីខ្លួនផ្ទាល់តែម្ដង រូបគេចង់ទៅលេងនៅ Old Trafford ជាងគេ។ អតីតកីឡាករ Monaco រូបនេះ ចង់មានឱកាសលេងពេញលេញទើបសម្រេចចិត្តចាកចេញពី Real Madrid ។ តម្លៃផ្ដាច់កុងត្រាវិញ ត្រូវបានគេដឹងថាប្រមាណជា២២លានផោនប៉ុណ្ណោះ ព្រោះកុងត្រារបស់កីឡាករវ័យ២៨ឆ្នាំក៏នៅសល់តិចផងដែរ៕ប្រភព Dailymail
