សហព័ន្ធកីឡាបាល់ទាត់មីយ៉ាន់ម៉ា គ្រោងនឹងដំណើរការប្រកួត ពានរង្វាន់ជម្រើសជើងឯកថ្នាក់ជាតិកម្រិតវ័យក្រោម១៤ឆ្នាំ ឬUnder-14 Youth League ដើម្បីបន្តអភិវឌ្ឍន៍យុវជនរបស់ខ្លួនសម្រាប់ពានរង្វាន់នានាក្នុងពេលអនាគត។
តាមការប្រកាសពានរង្វាន់នេះនឹងចាប់ប្រកួតនៅខែកញ្ញាឆ្នាំ២០២០។អគ្គលេខាធិការសហព័ន្ធកីឡាបាល់ទាត់មីយ៉ាន់ម៉ាលោក Ko Ko Thein និយាយថា៖”យើងទទួលបានការយល់ព្រមពី FIFA ក្នុងការរៀបចំលីកយុវជននេះ ហើយយើងនឹងពិភាក្សាអំពីរយៈពេលនៃការប្រកួតជាមួយគណៈកម្មាធិការប្រកួតប្រជែងយុវជន។ អង្គភាពបាល់ទាត់ថ្នាក់ក្រុង ក៏នឹងសហការផងដែរក្នុងការជ្រើសរើសកីឡាករដែលមានទេពកោសល្យពីលីកសម្រាប់សាលារបស់យើង”។
មានក្រុមចំនួន២៤មកពីពេញផ្ទៃប្រទេសមីយ៉ាន់ចូលរួមហើយក្រុមទាំងអស់នឹងបែកចែកជា៤តំបន់ជាមួយការប្រកួតបែបក្នុងនដីនិងក្រៅដី។ មាន១៨៩ការប្រកួតទាំងអស់ហើយនឹងចំណាយពេល៦ខែដែលកិច្ចការនេះសហព័ន្ធកីឡាបាល់ទាត់មីយ៉ាន់ម៉ានិងក្រសួងអរបរំយុវជននិងកីឡាជាអ្នករៀបចំទាំងស្រុង៕