Liverpool កាន់តែកៀកជិតក្នុងការចុះហត្ថលេខានាំយកខ្សែបម្រើ Thiago Alcantara ពីក្លឹប Bayern Munich នៅរដូវក្តៅខាងមុខ។ នេះបើតាមរបាយការណ៍ពី Sport បានចុះផ្សាយ។
អ្នកចាត់ការក្លឹបហង្សក្រហម លោក Jurgen Klopp គឺជាបុគ្គលមួយរូបដែលបាក់ចិត្តលើខ្សែបម្រើអេស្ប៉ាញរូបនេះជាខ្លាំង ពោលគឺមើលឃើញទម្រង់លេងរបស់ Alcantara នាមជាកីឡាករគូប្រជែង តាំងពីលោកនៅដឹកនាំ Dortmund មកម្ល៉េះ។
តាមតម្លៃខ្លួនរបស់ Alcantara គឺ Bayern ទាមទារប្រមាណ ៣៩ លានដុល្លារ ប៉ុន្តែ Liverpool កំពុងចរចាទម្លាក់ថ្លៃបន្ថែមទៀត ដើម្បីចង់បានរាងធូរជាងនេះ។
បញ្ជាក់ថារដូវកាល ២០១៩/២០ កីឡាករវ័យ ២៩ ឆ្នាំ បង្ហាញខ្លួនបាន ៣៥ ប្រកួតសរុប រកបាន ៣ គ្រាប់និង Assist ២ លើកឲ្យក្លឹប៕
ប្រភព៖ Goal