ខ្សែបម្រើ Eden Hazard មិនមានឈ្មោះក្នុងបញ្ជីសម្រាប់ត្រៀមប្រកួតទល់ក្រុម Getafe នៅម៉ោង៣រំលងអាធ្រាត្រនេះទេ ដោយឱ្យរូបគេសម្រាកសិន។លោក Zidane បានបញ្ជាក់យ៉ាងច្បាស់ថាកីឡាករបែលហ្សិកនឹងសម្រាកសម្រាប់ការប្រកួតនៅរាត្រីនេះ។ Hazard មិនមានបញ្ហារបួសអ្វីនោះទេ ប៉ុន្តែរូបគេមិនអាចលេងប្រកួតកៀកគ្នាពេកឡើយ ក្រុម Real Madrid មិនអាចបង្ខំគេឱ្យលេង ដើម្បីប្រឈមជាមួយការរបួសឡើយ។
ជាមួយការអវត្តមានអតីតកីឡាករ Chelsea រូបនេះ លោក Zidane ក៏បានដាក់បញ្ចូលឈ្មោះ Lucas Vazquez និង Luka Jovic វិញផងដែរ ក្រោយជាសះស្បើយពីរបួស។សូមបញ្ជាក់ថាបច្ចុប្បន្ននេះក្រុម Real Madrid កំពុងនៅលេខ១កំពូលតារាង ដោយឈ្នះ១ពិន្ទុលើក្រុម Barcelona ។ ប្រសិនបើពួកគេអាចយកឈ្នះ Getafe បានទៀត នោះនឹងដាច់ដល់ទៅ៤ពិន្ទុឯណោះ៕
ប្រភព៖ Marca