នៅជំនួបទល់ At Madrid កាលពីយប់មិញ ក្លឹប FC Barcelona បានបញ្ចប់លទ្ធផលស្មើ ២-២ ខណៈដែល Lionel Messi ក៏មានចំណែកក្នុងការរកបានមួយគ្រាប់ផងដែរ។
មួយគ្រាប់នោះជាគ្រាប់បាល់ទី ៧០០ សម្រាប់តារាឆ្នើមសញ្ជាតិអាហ្សង់ទីន ហើយបើធៀបនឹង CR7 ដែលជាគូប្រជែង គឺកីឡាករអាហ្សង់ទីនប្រើចំនួនប្រកួតតិចជាងដាច់។
បុរសវ័យ ៣២ ឆ្នាំបានបំបែកគ្រាប់បាល់ទី ៧០០ ដែលមាន ៦៣០ គ្រាប់ឲ្យក្លឹប និង ៧០ គ្រាប់នៅជម្រើសជាតិ នាប្រកួតសរុបទី ៨៦២ ស្របពេលដែល Ronaldo រកបាន ៧០០ គ្រាប់នៅប្រកួតផ្លូវការទី ៩៧៣ ពោលគឺខុសគ្នាជាង ១០០ ប្រកួតឯណោះ។
និយាយពីអាយុកីឡាករព័រទុយហ្គាល់ធ្វើបាននៅពេលលោកមានអាយុ ៣៤ ឆ្នាំ កាលពីខែតុលា ឆ្នាំ ២០១៩ ខណៈ Messi ពេលនេះទើបមានអាយុ ៣៣ ឆ្នាំប៉ុណ្ណោះ៕
ប្រភព៖ SoccerLaduma