ខ្សែប្រយុទ្ធ Cristiano Ronaldo បន្ដរកគ្រាប់បាល់ជួយក្រុម Juventus បាន១គ្រាប់ទៀតហើយកាលពីយប់មិញនេះ ក្នុងជ័យជម្នះលើក្រុម Genoa ៣-១។
ក្រុម Juventus បានបន្ដដំណើរជ័យជម្នះរបស់ខ្លួនទៀតហើយ ដោយយកឈ្នះ Genoa បានក្នុងលទ្ធផល ៣-១ ឯណោះ។ ដោយ៣គ្រាប់របស់ក្រុមសេះបង្កង់នេះ ធ្វើបានសម្រេចដោយ Dybala ១គ្រាប់នៅនាទី៥០ Ronaldo ១គ្រាប់នាទី៥៦ និង Douglas Costa ១គ្រាប់នៅនាទី៧៣។ ខណៈដែលមួយគ្រាប់លួងចិត្តអ្នកគាំទ្ររបស់ក្រុម Genoa វិញ ធ្វើបាននៅនាទី៧៦ ដោយ Pinamonti ។
ក្រឡេកទៅមើល១គ្រាប់របស់ Ronaldo នៅយប់មិញនេះ គឺរូបគេអូសបាល់តាំងពីពាក់កណ្ដាលតារាងមក ហើយប្រើបច្ចេកទេសស៊ុត១ជើងពេញទំហឹងបញ្ចូលទីយ៉ាងស្អាតតែម្ដង។ ការអូសបាល់លឿន និងស៊ុតខ្លាំងបែបនេះ គឺអ្នកគាំទ្រខកខានឃើញជាយូរមកហើយ៕ប្រភព Dailymail