ក្រុម Manchester United កាន់តែលេងល្អឡើងហើយ ដោយកាលពីយប់មិញនេះ ពួកគេបានយកឈ្នះលើក្រុម Brighton ក្នុងលទ្ធផល ៣-០ ឯណោះ ក្នុងការប្រកួត Premier League ។
បិសាចក្រហម ក្រោយពីកីឡាករជាសះស្បើយពីរបួសអស់នេះមក ឃើញថាទម្រង់លេងពេញល្អតែម្ដង។ ជាក់ស្ដែងនៅយប់មិញនេះ Pogba បានចាប់ដៃគូជាមួយ Bruno ហើយពួកគេក៏លេងបានល្អផងដែរ។ ១គ្រាប់បើកឆាករបស់ Man Utd ធ្វើបានដោយ Greenwood នៅនាទី១៦ ហើយ២គ្រាប់ទៀត គឺចេញពីជើងរបស់ Bruno នៅនាទី២៩ និង៥០។
ទម្រង់លេងនៅយប់មិញនេះដែរ អ្នកវិភាគជាច្រើនមើលឃើញថា Man Utd អាចស្វែងរកចំណុចពិសេសរបស់ខ្លួន និងការវាយបកលឿនៗបានវិញហើយ។ ត្បិតតែមិនទាន់ដល់កម្រិតខ្ពស់ខ្លាំងមែន ប៉ុន្តែវាក៏បានបញ្ជាក់ថាពួកគេចាប់ផ្ដើមត្រលប់ទៅរកភាពល្អប្រសើរជាងមុនឆ្ងាយដែរ៕ប្រភព Dailymail