ប្រិយមិត្តជាច្រើនប្រាកដជាគិតថា ក្លឹប Manchester United គឺជាក្លឹបដែលឈ្នះពានច្រើនបំផុតក្នុងប្រវត្តិសាស្ត្របាល់ទាត់អង់គ្លេស។ ពាក្យនេះអាចនិយាយថាជារឿងត្រឹមត្រូវ ប្រសិនយើងរាប់តែជោគជ័យនៅពាន Premier League ប៉ុន្តែបើរាប់ជារួមនោះគឺជា Liverpool ឯណេះទេ។
ជាមួយពាន Premier League មួយបន្ថែមទៀតសម្រាប់ឆ្នាំ ២០២០ នេះ ទីបំផុតហង្សក្រហមបានឡើងមកឈរចំណាត់ថ្នាក់ទី ១ ជាលើកដំបូង នាមជាក្រុមឈ្នះពានច្រើនបំផុតរបស់អង់គ្លេស។
ខាងក្រោម CTS Sports បង្ហាញក្លឹបនៅអង់គ្លេសទាំង ៦ ដែលឈ្នះពានច្រើនបំផុត (បញ្ជាក់៖ រាប់ទាំងពានក្នុងនិងក្រៅលីគ)
=5.Manchester City ឈ្នះពានសរុប ២០ លើក មានពានលីគ ៦ លើក FA Cup ៦ លើក League Cup ៧ លើក និង European Cup Winners’ Cup ១ លើក
=5.Aston Villa ឈ្នះពានសរុប ២០ លើក មានពានលីគ ៧ លើក FA Cup ៧ លើក League Cup ៥ លើក និង European Cup ១ លើក
4.Chelsea ឈ្នះពានសរុប ២៤ លើក មានពានលីគ ៦ លើក FA Cup ៨ លើក League Cup ៥ លើក European Cup ១ លើក Cup Winners’ Cup ២ លើក និង Europa League ២ លើក
3.Arsenal ឈ្នះពានសរុប ៣០ លើក មានពានលីគ ១៣ លើក FA Cup ១៣ លើក League Cup ២ លើក Inter-Cities Fairs Cup ១ លើក និង European Cup Winners’ Cup ១ លើក
2.Manchester United ឈ្នះពានសរុប ៤២ លើក មានពានលីគ ២០ លើក FA Cup ១២ លើក League Cup ៥ លើក European Cup ៣ លើក Cup Winners’ Cup ១ លើក និង Europa League ១ លើក
1.Liverpool ឈ្នះពានសរុប ៤៣ លើក មានពានលីគ ១៩ លើក Leage Cup ៨ លើក FA Cup ៧ លើក European Cup ៦ លើក និង Europa League ៣ លើក
បញ្ជាក់ថាសម្រាប់ European Cup គឺជាឈ្មោះចាស់ ដែលឈ្មោះបច្ចុប្បន្នត្រូវបានគេហៅថា UEFA Champions League ស្របពេលដែល UEFA Cup ក៏ជាឈ្មោះចាស់ របស់ពានបច្ចុប្បន្ន Europa League ខណៈដែលនៅលីគកំពូលអង់គ្លេស គឺដំបូងឡើយមានឈ្មោះ First Division និងទើបប្តូរមក Premier League នៅឆ្នាំ ១៩៩២៕