លោក Pep Guardiola សង្ឃឹមថានៅរដូវកាលក្រោយនេះ ក្រុម Manchester City របស់លោក នឹងមិនរបូតពិន្ទុពីការប្រកួតដូចរដូវកាលនេះ ហើយអាចប្រជែងពានរង្វាន់បានវិញ។
ក្រុម Man City នារដូវកាលនេះ បានបរាជ័យច្រើនប្រកួតនៅដើមរដូវកាល ដែលធ្វើឱ្យក្រុម Liverpool មានឱកាសឈ្នះដាច់ពិន្ទុ រហូតដល់២៣ពិន្ទុបែបនេះ និងឈ្នះជើងឯកទាំងការប្រកួតនៅសល់ដល់៧ប្រកួតទៀត។ ជាមួយគ្នានឹងរឿងនេះដែរ លោក Pep អ្នកចាត់ការក្រុម Man City ក៏បង្ហើបថាលោកជឿជាក់រដូវកាលក្រោយ ក្រុមនឹងលេងល្អជាងនេះ ហើយប្រុងប្រយ័ត្នបំផុតពីមួយប្រកួតទៅមួយប្រកួត។
អ្នកចាត់ការដែលជួយ Man City ឈ្នះ Premier League ២រដូវកាលជាប់គ្នាកន្លងទៅនោះ បាននិយាយបែបនេះថា៖ “យើងបាត់ពិន្ទុនៅដើមរដូវកាល ហើយ Liverpool ក្ដោបឱកាសបាន។ យើងធ្លាប់នាំមុខគេជាង២០ពិន្ទុ ហើយរដូវកាលនេះគេនាំមុខយើងបែបនោះវិញ។ Liverpool ធ្វើបានល្អរដូវកាលនេះ សក្ដិសមនឹងឈ្នះពាន។ ខ្ញុំសង្ឃឹមថារដូវកាលក្រោយ យើងនឹងអាចធ្វើបានល្អជាងនេះ ប្រជែងពានរង្វាន់បាន”៕ប្រភព Dailymail