កាលពីយប់មិញ Man City បានយកឈ្នះទៅលើ Burnley នៅលទ្ធផល ៥-០ ដោយក្នុងនោះមានចំណែកគ្រាប់បាល់ចេញពីកីឡាករ Mahrez, Silva និង Foden។
តាមការវាយតម្លៃពិន្ទុក្រោយចប់ការប្រកួត WhoScored បានដាក់ពិន្ទុឲ្យ Phil Foden ដែលជាកីឡាករមានវ័យ ២០ ឆ្នាំរបស់ City ទទួលបាន ៩,៣ ពិន្ទុ នាម MOTM ក្នុងការប្រកួត។ យុវជនរូបនេះមានឱកាសស៊ុត ៣ លើក រកបាន ២ គ្រាប់ មានភាគរយបញ្ជូនបាល់ជោគជ័យដល់ទៅ ៨១ ភាគរយ។
ក្នុងនោះអ្នកបន្ទាប់មានដូចជា David Silva បាន ៨,៣ ពិន្ទុ, Bernardo Silva បាន ៨,៤ ពិន្ទុ និង Mahrez បាន ៨,៤ ពិន្ទុ។ ចំណែកឯ Aguero រងបញ្ហារបួសត្រូវប្តូរចេញពីការប្រកួត។
បញ្ជាក់ថា City នៅតែរក្សាគម្លាត ២០ ពិន្ទុធៀបនឹង Liverpool ឈរនៅកំពូលតារាង ដោយប្រកួតបន្ទាប់អាចនឹងជាវគ្គកាត់សេចក្តីក្រុមឈ្នះពានហើយ ប្រសិន City មិនអាចស្វែងរកជ័យជម្នះទល់នឹង Chelsea នៅថ្ងៃសុក្រនេះ៕
ប្រភព៖ WhoScored