ក្រុម Liverpool កំពុងបារម្ភខ្លាច មិនអាចរក្សាខ្សែប្រយុទ្ធ Mane បាននៅរដូវក្ដៅខាងមុខនេះ ក្រោយពីក្រុមយក្ស PSG និង Real Madrid ចង់បានរូបគេខ្លាំង។បើទោះជាកុងត្រារបស់ខ្សែប្រយុទ្ធសេណេហ្គាល់ខាងលើនៅសល់ច្រើនឆ្នាំទៀតមែន ប៉ុន្តែវាមិនមែនជារឿងដែលអាចរារាំងឱ្យ Mane អាចនៅ Liverpool បានជាប់នោះដែរ។ បច្ចុប្បន្ននេះ ក្រុមយក្ស២កំពុងប្រជែងគ្នាដើម្បីទិញយកខ្សែប្រយុទ្ធល្បឿនលឿននេះ។ ក្រុមសំបូរលុយ PSG និង Real Madrid សុទ្ធតែបង្ហាញចំណាប់អារម្មណ៍យករូបគេទៅនៅរដូវកាលដោះដូរកីឡាករបើក។
តម្លៃខ្លួនរបស់ Mane ដែលអាចនឹងចាកចេញពីក្រុម Liverpool នោះគឺ១៥០លានផោន។ លោក Klopp កំពុងបារម្ភថាតម្លៃខ្លួននេះ អាចនឹងធ្វើឱ្យក្រុមដទៃហ៊ានចំណាយប្រាក់ ដើម្បីយកកីឡាករវ័យ២៨ឆ្នាំនេះ។ ស្របពេលសាមីខ្លួន ក៏ទំនងជាចង់ទៅក្លឹបថ្មី ដើម្បីផ្លាស់ប្ដូរបទពិសោធផងដែរ៕
ប្រភព៖ DailyMail