ក្រុម Real Madrid អាចនឹងឱ្យខ្សែប្រយុទ្ធ Luka Jovic ទៅក្រុម AC Milan ខ្ចីជើង២រដូវកាល ក្រោយពីរូបគេបង្ហាញសមត្ថភាពមិនល្អទាល់តែសោះនារដូវកាលនេះ។
កីឡាករសញ្ជាតិសែបខាងលើលេងបានតែ៤ប្រកួតប៉ុណ្ណោះក្រោមការដឹកនាំរបស់លោក Zidane ក្នុងរដូវកាលដំបូងរបស់ខ្លួន។ ដោយ៤ប្រកួតនេះ រកបាន២គ្រាប់ដែរ។ ដោយសារលេងមិនកើតនេះហើយ ទើបបានជាក្រុម Real Madrid ចង់បញ្ចេញរូបគេ ដើម្បីឱ្យក្លឹបដទៃខ្ចីជើង។ ដោយក្នុងនោះ អាចជាក្រុម AC Milan ក្រោមលក្ខខណ្ឌខ្ចីជើង២រដូវកាល។
ប្រភពក៏បានបន្ថែមទៀតថា Jovic ក៏ចង់ទៅលេងនៅ AC Milan ដែរ ព្រោះថាមិត្តរួមក្រុមចាស់របស់គេ Ante Rebic ក៏លេងនៅក្លឹបនេះដែរ។ ខ្សែប្រយុទ្ធរូបនេះ រកបាន២៧គ្រាប់អំឡុងពេលលេងជាមួយ Rebic នៅក្លឹប Frankfurt កាលពីរដូវកាល២០១៨-១៩កន្លងទៅ៕ប្រភព Dailymail