Nikola Kalinic ខ្សែប្រយុទ្ធរបស់ក្រុមក្រូអាត បានបដិសេធមិនព្រមយកមេដាយពីព្រឹត្តិការណ៍ World Cup ឡើយ បើទោះជារូបគេមានឈ្មោះក្នុងព្រឹត្តិការណ៍នេះក៏ដោយ។
Kalinic បានឈ្លោះគ្នាជាមួយគ្រូបង្វឹកក្រូអាត ដោយមិនព្រមប្ដូរចូលលេងឡើយ ក្រោយពីមិនបានជាប់ជម្រើស១១នាក់ដំបូង។ ក្រោយពីបដិសេធមិនព្រមលេងនេះដែរ រូបគេត្រូវបានបញ្ជូនឱ្យត្រលប់មកស្រុកកំណើតវិញតែម្ដង មិនបានលេងឱ្យក្រូអាតឡើយ។ ត្បិតតែយ៉ាងនេះក្ដី ក្រូអាតដែលបានលេខ២ ទទួលមេដាយប្រាក់ពីព្រឹត្តិការណ៍ World Cup នេះ ក៏នៅតែមានឈ្មោះរបស់កីឡាករ Kalinic ដដែល។ មានឈ្មោះមែន តែខ្សែប្រយុទ្ធលេងនៅក្លឹប AC Milan រូប សុំមិនយកឡើយមេដាយប្រាក់នេះ ដោយសាមីខ្លួនគិតថារូបគេមិនមែនជាចំណែកមួយនៃជម្រើសជាតិក្រូអាតទេ។
Zlatko Dalic គ្រូបង្វឹកក្រូអាត បាននិយាយចំពោះ រឿងខ្សែប្រយុទ្ធខាងលើថា រូបគេមិនព្រមប្ដូរចូលលេង ពេលលោកដាក់ឱ្យចូលលេងទល់ក្រុមនីហ្សេរីយ៉ា។ ក្រោយមកទៀត គេមិនព្រមទៅហ្វឹកហាត់ជាមួយសមាជិកក្រុមដទៃទៀត ទើបបានជាលោកសម្រេចចិត្តបញ្ជូនរូបគេត្រលប់ទៅវិញតែម្ដង៕ប្រភព៖ DailyMail