សម្រាប់ការប្រកួតទី២នៃការបើកលីគ La Liga វិញនេះ ក្រុម Barcelona នៅតែធ្វើបានល្អដដែល ដោយបានយកឈ្នះលើក្រុម Leganes ក្នុងលទ្ធផល ២-០។
២គ្រាប់ដែលសម្រេចបាននោះកើតចេញពីខ្សែប្រយុទ្ធវ័យក្មេង Fati ១គ្រាប់ និងប្រធានក្រុម Lionel Messi ១គ្រាប់។ ខណៈដែលខ្សែប្រយុទ្ធ Griezmann វិញ មានឱកាសបញ្ចូលទី១គ្រាប់ដែរ តែត្រូវ VAR ពិនិត្យឃើញថាជាបាល់ Offside ប៉ុណ្ណោះ មិនយកបានឡើយ។
ចំពោះសមត្ថភាពរបស់កីឡាករចំណូលថ្មី Griezmann នេះដែរ ត្រូវបានលោក Setien អ្នកចាត់ការក្រុម Barcelona និយាយថា៖ “វាមិនមែនជារឿងងាយស្រួលទេក្នុងការសម្រួលខ្លួនក្រុមថ្មី។ មានកីឡាករជាច្រើនជួបបញ្ហានេះ វាពិបាក។ Griezmann ធ្វើបានល្អក្នុងការប្រកួតនេះ។ គាត់រកបាន១គ្រាប់ដែលត្រូវបដិសេធវិញ។ គាត់នឹងក្លាយជាកីឡាករសំខាន់សម្រាប់យើងនៅពេលអនាគត”៕ប្រភព Dailymail
