ក្រុមបិសាចក្រហម Manchester United នឹងផ្ដល់ប្រាក់រង្វាន់លើកទឹកចិត្ត១លានផោនទៅលោក Ole Gunnar Solskjaer ប្រសិនណាបើលោកអាចជួយក្រុមចូល Top4 បាន។
Man Utd នៅចាញ់៣ពិន្ទុពីក្រុមលេខ៤ Chelsea ក្នុងការប្រកួតប្រជែងចូលតំបន់ Top4 វិញ។ ស្របពេលការប្រកួតនឹងចាប់ផ្ដើមឡើងវិញនៅចុងសប្ដាហ៍ក្រោយនេះហើយ ដោយបិសាចក្រហម នឹងត្រូវប៉ះក្រុមខ្លាំង Spurs ផងដែរ។ ដើម្បីជាការលើកទឹកចិត្តដល់លោក Ole ក្នុងការដឹកនាំក្រុម ថ្នាក់ដឹកនាំ Man Utd នឹងផ្ដល់១លានផោនដល់អ្នកចាត់ការខ្លួន បើសិនជាអាចដឹកនាំក្រុមល្អបានលេង UEFA Champions League នៅរដូវកាលក្រោយ។
Man Utd បច្ចុប្បន្ននេះក៏គេឃើញថាមានទម្រង់លេងល្អប្រសើរច្រើនដែរ បន្ទាប់ពីពួកគេបានទិញយក Bruno ពីក្រុម Sporting មករួមក្រុមកាលពីខែមករាកន្លងទៅ។ ជាមួយវត្តមានរបស់ Pogba មកជួយក្រុមវិញទៀត បិសាចក្រហមរំពឹងថានឹងអាចប្រជែងយកតំណែង៤ក្រុមចុងក្រោយបាន៕ប្រភព៖ Dailymail
