ប្រធានក្លឹប David Beckham បានដាក់សំណើទៅកាន់កីឡាករវ័យ ៣៤ ឆ្នាំ គឺ Radamel Falcao ដើម្បីចរចាពីលទ្ធភាពក្នុងការនាំយកខ្សែប្រយុទ្ធរូបនេះ មកកាន់ក្លឹប Inter Maimi នៅទីផ្សារដោះដូរពេលខាងមុខ។ នេះបើតាមរបាយការណ៍ពី FootMercato បានចុះផ្សាយ។
Falcao ដែលធ្លាប់ជាអតីតមិត្តរួមក្រុមជាមួយ Beckham បច្ចុប្បន្នកំពុងបម្រើអាជីពនៅក្លឹប Galatasaray ហើយនារដូវកាល ២០១៩/២០ រូបគេរកបាន ១០ គ្រាប់និង Assist ១ លើកនៅ ២០ ប្រកួតសរុប។
តាមប្រភពដដែលបានសង្កត់ធ្ងន់ កីឡាករកូឡុំប៊ីហាក់មិនគិតច្រើននោះទេលើសំណើនេះ ដោយលោកបានបដិសេធសំណើរបស់ Beckham ហើយ ក្រោមមូលហេតុចង់ស្វែងរកភាពជោគជ័យជាដុំកំភួនមួយនៅ Galatasaray សិន៕
ប្រភព៖ BeSoccer