លោក Luis Figo បានសើរើដល់រឿងរ៉ាវចាស់ ដោយលោកបានសង្កត់ធ្ងន់ថា មិនដែលមានភាពស្តាយក្រោយនោះទេ ជុំវិញការផ្ទេរចេញពីទ្រនំទឹកដី Barcelona មកកាន់ក្លឹប Real Madrid នាឆ្នាំ ២០០០។
Figo បានបម្រើអាជីពនៅអ្នកមានបុណ្យនាឆ្នាំ ១៩៩៥ លុះ ៥ ឆ្នាំបន្ទាប់លោកក៏បានផ្លាស់មកកាន់ក្លឹបគូប្រជែង Real Madrid។ ប្រាប់ Fox Sport Brazil កាលពីថ្ងៃពុធ លោក Figo និយាយ៖ “ខ្ញុំរីករាយខ្លាំងណាស់ជុំវិញការសម្រេចចិត្តផ្ទេរចេញមួយនោះ”។
លោកបានបន្ថែមដល់ការស្ងើចសរសើរអតីតមិត្តរួមក្រុម Ronaldo Nazario ថា៖ “R9 គឺគេធ្វើឲ្យខ្ញុំចាប់អារម្មណ៍បំផុត ដោយទាំងកាលនៅ Barcelona និង Real Madrid ហើយពេលគេគ្មានរបួស គឺគេបានបង្ហាញគុណភាពដ៏អស្ចារ្យពិតៗតែម្តង”៕
ប្រភព៖ AF