លោក Hansi Flick បាននិយាយថាវាដូចជាលឿនពេកហើយ សម្រាប់ការយកខ្សែប្រយុទ្ធ Haaland ទៅធៀបជាមួយនឹង Robert Lewandowski ដែលជាកីឡាករមានបទពិសោធនិងឈ្នះពានរង្វាន់ជាច្រើន។
នៅរាត្រីម៉ោង១១:៣០នាទីនេះ ក្រុម Dortmund នឹងត្រូវតទល់ជាមួយក្រុម Bayern Munich ហើយក្នុងការប្រកួតពានរង្វាន់លីគកំពូលអាល្លឺម៉ង់។ ជំនួបក្រុមលេខ១និងលេខ២នេះដែរ ត្រូវបានមតិជាច្រើនលើកឡើងពីតំបន់ប្រយុទ្ធ។ ដោយ Dortmund មាន Haaland ស៊ុតចូលគ្រប់ប្រកួត និង Bayern Munich មាន Lewandowski ក៏ស៊ុតមិនប្រណីផងដែរ។
តែសម្រាប់ការប្រៀបធៀបនេះ ត្រូវបានលោក Flick ដែលជាអ្នកចាត់ការក្រុម Bayern Munich និយាយថា៖ “វាជារដូវកាលដំបូងរបស់ Haaland ដូច្នេះបើប្រៀបធៀបគាត់ដូចជាលឿនពេកហើយ។ Robert តែងតែធ្វើបានល្អជាខ្សែប្រយុទ្ធលំដាប់ពិភពលោករាប់ឆ្នាំមកហើយ ប៉ុន្តែ Haaland គាត់ជាក្មេងមានទេពកោសល្យល្អម្នាក់”៕ប្រភព Dailymail
