Troy Deeney ប្រធានក្រុម Watford បាននិយាយថាលោកមិនយល់ថាថ្នាក់ដឹកនាំកំពុងគិតពីអ្វីឡើយ ប៉ុន្តែសម្រាប់លោកគឺមិនយកបាល់ទាត់ធំជាងសុខភាព និងគ្រួសារឡើយ។
ក្របខណ្ឌ Premier League មានគម្រោងបើកការប្រកួតវិញនៅខែក្រោយនេះ បើទោះជាបច្ចុប្បន្នអង់គ្លេស និងបណ្ដាប្រទេសដទៃទៀតនៅមានករណីឆ្លងច្រើនៗក៏ដោយ។ ការចង់បើកលីគវិញនេះ នៅអង់គ្លេសកំពុងតែមានគំនិតខ្វែងគ្នាជាច្រើន ព្រោះមានកីឡាករនិងអ្នកចាត់ការខ្លះបារម្ភពីសុវត្ថិភាព ខ្លាចឆ្លងមេរោគ Covid-19 ។
ក្នុងនោះ កីឡាករ Troy Deeney ដែលជាប្រធានក្រុម Watford បាននិយាយថា៖ “ខ្ញុំមិនទាន់អាចនិយាយពីបាល់ទាត់នៅពេលនេះទេ ខ្ញុំត្រូវនិយាយពីគ្រួសាររបស់ខ្ញុំសិន។ ប្រសិនបើខ្ញុំមានអារម្មណ៍ថាខ្ញុំមិនអាចមើលថែគ្រួសារបានទេ នោះខ្ញុំនឹងមិនធ្វើវាឡើយ ខ្ញុំនឹងមិនបណ្ដោយឱ្យគ្រួសារខ្ញុំមានបញ្ហាឡើយ។ តើពួកគេកំពុងធ្វើអ្វី? កាត់ប្រាក់ខែខ្ញុំ? ខ្ញុំមិនខ្លាចពីបញ្ហាទាំងនេះទេ”៕ប្រភព Dailymail