ក្រុម Fiorentina នឹងបន្ដការហ្វឹកហាត់ជាក្រុមធម្មតា បើទោះជាពួកគេរកឃើញថាសមាជិក៦នាក់មានផ្ទុកមេរោគ Covid-19 ហើយក៏ដោយ។
ក្រុមនៅលីគកំពូលអ៊ីតាលីនេះ បានចាប់ផ្ដើមហ្វឹកហាត់ជាក្រុមតាំងពីថ្ងៃទី៤ខែឧសភាកន្លងទៅម្ល៉េះ ប៉ុន្តែគួរឱ្យស្ដាយ ពួកគេបានរកឃើញកីឡាករដែលមានផ្ទុកមេរោគ Covid-19 ចំនួនដល់៦នាក់ទៅហើយ។ ត្បិតតែរកឃើញដល់៦នាក់មែន ប៉ុន្តែសមាជិកដទៃទៀតនៅបន្ដហ្វឹកហាត់ធម្មតា និងធ្វើតេស្ដរកមេរោគជាប្រចាំផងដែរ។
ថ្នាក់ដឹកនាំក្រុម Fiorentina បានបញ្ជាក់ថាក្រុមសោកស្ដាយដែលមានសមាជិកដល់ទៅ៦នាក់ឆ្លងមេរោគនេះ។ តែពួកគេមានសុខភាពល្អធម្មតាទេ ហើយអាចនឹងជាសះស្បើយបានវិញឆាប់ៗនេះ។ ខណៈដែលការហ្វឹកហាត់ត្រូវតែបន្ដទៅមុខ ព្រោះលីគកំពូលអ៊ីតាលីនឹងបើកឡើងវិញឆាប់ៗខាងមុខនេះហើយ៕ប្រភព Marca