ខ្សែប្រយុទ្ធ Arjen Robben បានប្រកាសចូលនិវត្តកាលពីពេលកន្លងទៅនេះ ក្រោយពីចំណាយពេល១៩ឆ្នាំជាមួយអាជីពជាកីឡាករ។
តែនៅពេលនេះ សាមីខ្លួនបានបង្ហើបថាពិតជានឹកដល់ទីលាន និងការប្រកួតប្រជែងខ្លាំងណាស់ ប្រសិនបើមានឱកាសចង់ត្រលប់ទៅរកការប្រកួតវិញ។ ក្រោយពីមានដឹងដំណឹងនេះហើយ ស្រាប់តែក្លឹប Botafogo របស់ប្រទេសប្រេស៊ីល បានទាក់ទងទៅ Robben ភ្លាម ដើម្បីឱ្យចូលរួមជាមួយពួកគេ ក្នុងការទទួលបានបទពិសោធនៅលីគប្រេស៊ីល។ តែលទ្ធផលយ៉ាងណា នៅមិនទាន់ដឹងច្បាស់ទេ ព្រោះក្លឹប Botafogo នេះ ក៏ទំនងមិនមានប្រាក់ច្រើនដើម្បីផ្ដល់តម្លៃពលកម្មដល់គេដែរ។
អតីតកីឡាករ Bayern Munich , Chelsea និង Real Madrid ខាងលើនេះ ធ្លាប់ឈ្នះពានរង្វាន់ជាច្រើនក្នុងអាជីព។ ទាំងនៅហុល្លង់ អង់គ្លេស អេស្ប៉ាញ និងអាល្លឺម៉ង់ រូបគេសុទ្ធតែធ្លាប់ទៅលេង និងឈ្នះពានទាំងអស់៕ប្រភព Dailymail
