Hiannick Kamba អតីតកីឡាករបាល់ទាត់ម្នាក់របស់ក្រុម Schalke ត្រូវបានគេប្រកាសថាបានស្លាប់ក្នុងហេតុការណ៍គ្រោះថ្នាក់ចរាចរមួយកាលពីថ្ងៃទី៩ខែមករាឆ្នាំ ២០១៦កន្លងទៅ។
ស្រាប់តែនៅពេលនេះ គេបានប្រទះឃើញ Kamba នៅមានជីវិតនៅឡើយ ដោយជួបនៅតំបន់ Ruhr ក្នុងប្រទេសអាល្លឺម៉ង់។ Kamba នៅមានសុខភាពល្អ និងមិនមានបញ្ហាអ្វីនោះទេ។ ដោយសារតែការជួបយ៉ាងគួរឱ្យភ្ញាក់ផ្អើលនេះហើយ ទើបបានជាប៉ូលិសនឹងសើបអង្កេតលើករណីនេះទៀត ថាតើ Kamba បានធ្វើពុតជាស្លាប់ ឬយ៉ាងណា។ ការស្លាប់របស់អតីតកីឡាករបាល់ទាត់ម្នាក់នេះ គឺប្រពន្ធរបស់គេទទួលបានថ្លៃធានារ៉ាប់រងច្រើនមែនទែននៅគ្រានោះ។
Hiannick Kamba ជាអតីតខ្សែការពារម្នាក់ ហើយជាមិត្តរួមក្រុមរបស់ Manuel Neuer ថែមទៀតផង អំឡុងពេលលេងឱ្យក្រុម Schalke ។ រូបគេត្រូវបានគេប្រកាសថាស្លាប់ ដោយសារតែគ្រោះថ្នាក់ចរាចរណ៍នៅស្រុកកំណើតប្រទេសកុងហ្គោ៕ប្រភព ៖ Marca