ខ្សែប្រយុទ្ធ Gareth Bale ចាប់អារម្មណ៍ក្នុងការផ្លាស់ទៅលេងនៅលីគអាមេរិក ក្រោយពីមានក្លឹបក្នុងប្រទេសនេះបានទាក់ទងមកខ្លួន។Bale បានផ្លាស់ទៅចូលរួមជាមួយក្រុម Real Madrid កាលពីឆ្នាំ២០១៣កន្លងទៅ ដោយបានជួយក្លឹបយក្សអេស្ប៉ាញនេះឈ្នះពានរង្វាន់ជាច្រើន។ តែមួយរយៈមកនេះ ខ្សែប្រយុទ្ធជម្រើសជាតិវែល មិនមានឱកាសបានបង្ហាញសមត្ថភាពឡើយ ក្រោមការដឹកនាំរបស់លោក Zidane ។
ការមិនបានចូលលេងជាប់លាប់នេះហើយ បានធ្វើឱ្យ Bale ពិចារណាក្នុងការផ្លាស់ទៅលេងលីគអាមេរិក MLS ហើយ។ ក្លឹបជាច្រើននៅទីនោះ បានទាក់ទងមកគេ ដើម្បីសួរនាំនិងផ្ដល់លក្ខខណ្ឌល្អៗជាច្រើនឱ្យរូបគេសម្រេចចិត្ត។ សាមីខ្លួន Bale បាននិយាយពីលីគអាមេរិកនេះដែរថា៖ “ខ្ញុំចូលចិត្តលីគនេះ។ វាបានលីគចម្រើនលឿនប៉ុន្មានឆ្នាំនេះ។ ពេលយើងទៅលេង Pre-Season កន្លងទៅ ពួកគេពិតជាលេងបានល្អ”៕
ប្រភព៖ DailyMail
