លោក Fabio Capello យល់ឃើញថាខ្សែប្រយុទ្ធ Lautaro Martinez គួរតែបន្ដស្នាក់នៅក្រុម Inter Milan ទៀត ដើម្បីពង្រឹងសមត្ថភាពបន្ថែម ព្រោះបើទៅ Barcelona ប្រាកដជាអង្គុយកៅអីបម្រុងហើយ។
ខ្សែប្រយុទ្ធអាហ្សង់ទីនខាងលើត្រូវបានក្រុម Barcelona ទាក់ទង ព្យាយាមទិញយកដើម្បីមកជួយនៅតំបន់ប្រយុទ្ធខាងលើ។ តែបើតាមលោក Capello អ្នកចាត់ការកំពូលម្នាក់យល់ឃើញថានេះមិនមែនជាឱកាសល្អសម្រាប់ Lautaro ដើម្បីចាកចេញពី Inter Milan ទៅលេងនៅ Barcelona ឡើយ។
បុរសវ័យ៧៣ឆ្នាំខាងលើបាននិយាយទៀតថា៖ “ប្រសិនបើជាខ្ញុំ ខ្ញុំនឹងនៅ Inter បន្ដទៀត។ នៅ Barcelona គាត់នឹងអង្គុយកៅអីបម្រុង។ ទីផ្សារដោះដូរកីឡាករនៅពេលខាងមុខ នឹងមានការផ្លាស់ប្ដូរច្រើន ដោយសារតែ Covid-19 ។ ក្រុម Barcelona ក៏រងផលប៉ះពាល់ច្រើនពីមេរោគនេះដែរ”៕ប្រភព Marca
