Christian Vieri មើលឃើញថាខ្សែប្រយុទ្ធ Erling Haaland ទៅថ្ងៃអនាគតនឹងក្លាយជាកីឡាករថ្លៃជាងគេនៅលើលោកនេះ។
Haaland ទើបឡើងជើងមួយរយៈចុងក្រោយនេះប៉ុណ្ណោះ ហើយក៏ត្រូវក្រុម Dortmund ទិញយកកាលពីពេលកន្លងទៅ។ ក្រោយទៅលេងនៅក្រុមអាល្លឺម៉ង់នេះ និងរកគ្រាប់បាល់សឹងគ្រប់ប្រកួត ទើបបច្ចុប្បន្នក្រុមធំៗចាប់ផ្ដើមចង់បានរូបគេកាន់តែខ្លាំងឡើងមួយកម្រិតទៀត។ ដោយមិនប៉ុន្មានទៀត ប្រសិនបើបន្ដលេងកាន់តែល្អ នោះតម្លៃខ្លួនគេកាន់តែឡើងខ្លាំងមិនធម្មតាទេ។
Vieri អតីតកីឡាករល្បីឈ្មោះរបស់អ៊ីតាលី បាននិយាយចំពោះកីឡាករខាងលើថា៖ “នៅប៉ុន្មានឆ្នាំខាងមុខទៀត គាត់នឹងទៅលេងនៅក្លឹបដ៏អស្ចារ្យមួយ ជាមួយតម្លៃខ្លួនប្រហែលជា២០០ទៅ៣០០លានអឺរ៉ូ។ Haaland គឺជាខ្សែប្រយុទ្ធខ្លាំងបំផុត គាត់ធ្វើបានល្អក្នុងការលេងឱ្យ Dortmund ជាកន្លែងដែលបណ្ដុះបណ្ដាលគាត់ឱ្យកាន់តែឡើង១កម្រិតទៀត”៕ប្រភព Dailymail
