Berbatov ដែលជាអតីតកីឡាកររបស់ Manchester United ថាវាមិនយុត្តិធម៌នោះទេ ប្រសិនបើក្រុម Liverpool មិនបានពានរង្វាន់ Premier League រដូវកាលនេះ។លោក Klopp ត្រូវការឈ្នះតែ២ប្រកួតទៀតប៉ុណ្ណោះ ដើម្បីក្លាយជាជើងឯកលីគកំពូលអង់គ្លេស ជាលើកដំបូងវិញក្នុងរយៈ ពេល៣០ឆ្នាំមកនេះ។ តែគួរឱ្យស្ដាយ ដោយសារតែមេរោគ Covid-19 អុកឡុកខ្លាំងពេកនៅអង់គ្លេស ទើបធ្វើឱ្យការប្រកួតទាំងអស់ត្រូវផ្អាកសិន រង់ចាំការគ្រប់គ្រងមេរោគបាន ទើបអាចបើកដំណើរការវិញ។ ដោយកាលវិភាគនៃការបើកនោះ នៅមិនទាន់ច្បាស់នោះទេ។
ជាមួយបញ្ហាមិនដឹងពេលនាអាចត្រលប់លេងវិញបាននេះហើយ ទើបបានជាលោក Berbatov អតីតខ្សែប្រយុទ្ធឆ្នើមម្នាក់របស់ក្រុមបិសាចក្រហម ចង់ឱ្យអង់គ្លេសផ្ដល់ពានរង្វាន់នេះទៅហង្សក្រហមតែម្ដងទៅ។ ពួកគេសក្ដិសមក្នុងការទទួលបានពាននេះ ហើយប្រសិនបើមិនបានដោយសារតែមេរោគ Covid-19 នោះវាមិនយុត្តិធម៌សម្រាប់ពួកគេនោះទេ៕
ប្រភព៖ DailyMail