Kaka ដែលធ្លាប់រួមអាជីពជាមួយនឹង Cristiano Ronaldo កាលពីនៅក្លឹប Real Madrid ពុំបានជ្រើសរើសអតីតមិត្តរួមក្រុម CR7 នោះទេ នៅជម្រើសដែលខ្លួនគិតថាល្អបំផុត ពោលគឺបង្វែរទៅគូប្រជែង Lionel Messi ទៅវិញ។
ឆ្លើយឆ្លងនូវកម្មវិធីសំណួរចម្លើយ Q&A លើប៉ុស្តិ៍របស់ FIFA ជើងចាស់ Kaka និយាយ៖ “ខ្ញុំធ្លាប់លេងជាមួយ Cristiano គាត់ពិតជាអស្ចារ្យណាស់ តែខ្ញុំសូមរើសយក Messi ព្រោះ Messi គេពោរពេញដោយទេពកោសល្យ និងការលេងរបស់គេគឺពិតជាអស្ចារ្យខ្លាំងបំផុត”។
យ៉ាងណាមិញអតីតកីឡាករជម្រើសជាតិប្រេស៊ីល នៅតែសរសើរមិនដាច់ពីមាត់ដល់ CR7 ដូច្នោះថា៖ “Cristiano គេជាម៉ាស៊ីន ដែលមិនត្រឹមតែរឹងមាំ ល្បឿនលឿន តែក៏មានចិត្តគំនិតរឹងមាំថែមទៀត ដោយគេរមែងចង់លេងនិងឈ្នះគ្រប់ការប្រកួត ជារួមយើងពិតជាសំណាងដែលក្នុងប្រវត្តិសាស្រ្តបាល់ទាត់របស់យើងមាន Messi និង Ronaldo”៕ ប្រភព៖ Sportskeeda