និយាយនៅបទសម្ភាសន៍ថ្មីមួយតាមរយៈ Video Call ក្នុងការចូលរួមនៅកម្មវិធីជួយកុមារ ខ្សែបម្រើក្លឹប Real Madrid កីឡាករ Casemiro បាននិយាយថាពេលនេះខ្លួនលែងគិតរឿងចង់ឈ្នះពានរង្វាន់ LaLiga ឬ Champions League តទៅទៀតហើយ។
ខ្សែបម្រើប្រេស៊ីលនិយាយថា៖ “យើងពិតជាចង់ឈ្នះពាន LaLiga និង Champions តែពេលនេះខ្ញុំលែងគិតអំពីវាហើយ ពោលគឺចង់ផ្តួលវីរុសកូរ៉ូណាឲ្យបានសិន ហើយខ្ញុំគិតការចូលរួមចំណែករបស់អ្នករាល់គ្នាគឺជារឿងដ៏សំខាន់បំផុត”។
លោកសង្កត់ធ្ងន់៖ “ការប្រកួតដំបូងគឺតតាំងវីរុសកូរ៉ូណា ជាពេលដែលត្រូវយកឈ្នះវីរុសកូរ៉ូណាផ្ទាល់តែម្តង”។
បញ្ជាក់ថានៅតារាង LaLiga គិតត្រឹមជុំទី ២៧ ក្លឹប Real Madrid នៅចាញ់ ២ ពិន្ទុធៀបនឹងក្រុមកំពូលតារាង Barcelona។ នៅ UCL ស្តេចសត្រូវតតាំងជើងទី ២ ទល់ក្លឹប Man City ខណៈដែលជើងទី ១ Real បរាជ័យ ១-២ នៅដីខ្លួនឯង៕
ប្រភព៖ BeSoccer