ក្រុម Atletico Madrid មានសង្ឃឹមច្រើនក្នុងការនាំយកខ្សែបម្រើ Rakitic ពីក្រុម FC Barcelona នារដូវកាលដោះដូរកីឡាករខាងមុខនេះ។
Rakitic ត្រូវបានក្លឹប Barcelona ព្យាយាមលក់ចេញតាំងពីរដូវកាលមុនម្ល៉េះ ដោយគ្រានោះ Inter Milan ជាអ្នកចង់បាន។ តែដោយសារតែសាមីខ្លួនចង់បន្ដលេងនៅអេស្ប៉ាញនេះទៀត ទើបបានជាមិនអាចមានការដោះដូរបាន។ ដោយឡែកសម្រាប់រដូវកាលដោះដូរកីឡាករខាងមុខវិញ កីឡាករក្រូអាតនេះ អាចនឹងត្រូវចាកចេញហើយ ព្រោះក្លឹបជាច្រើនកំពុងតាមទិញ។
ក្នុងនោះ AT Madrid មានភាគរយច្រើនជាងគេ។ ពួកគេសង្ឃឹមថាតម្លៃខ្លួន១៧លានផោន គឺល្មមក្នុងការនាំយកអ្នកនាំលេងរបស់ Barcelona នេះបានហើយ។ ខណៈដែលក្រុមនៅអង់គ្លេស Man Utd ក៏បង្ហាញការចាប់អារម្មណ៍ដែរ តែពិបាកបន្តិច ព្រោះក្រុម AT Madrid ហាក់ដូចជាស្និទ្ធស្នាលជាង៕ប្រភព៖ Dailymail