ខ្សែការពារដ៏សំខាន់របស់ក្លឹបហង្សក្រហម Liverpool គឺកីឡាករ Virgil van Dijk បាននិយាយថ្មីៗនេះ ពីប្រកួតតែមួយគត់ដែលលោកបានមើលសារឡើងវិញ បន្ទាប់ពីមានពេលនៅផ្ទះច្រើនក្នុងអំឡុងស្ថានភាពនៃការផ្ទះជំងឺ COVID-19។
ប្រកួតមួយនោះគឺអំឡុងពេលលោកលេងឲ្យក្លឹបនៅប្រទេសហូឡង់ គឺក្លឹបដំបូង Groningen មុនផ្លាស់ទៅលីគដទៃ។
ប្រាប់គេហទំព័រផ្លូវការរបស់ក្លឹប Van Dijk និយាយ៖ “ខ្ញុំមិនបានមើលការប្រកួតបាល់ទាត់ច្រើននោះទេ និយាយឲ្យត្រង់ ជាពិសេសរដូវកាលនេះ ខ្ញុំមិនបានមើលប្រកួតសារឡើងវិញណាទាំងអស់ លើកលែងតែពេលនេះគឺខ្ញុំបានមើលប្រកួតមួយលើទូរទស្សន៍ ដែលជាប្រកួតដំបូងរបស់ខ្ញុំនៅហូឡង់ គ្រានោះខ្ញុំលេងនៅតំណែងការពារស្តាំ”។
គួររំឭកថាគ្រានោះ Van Dijk ទើបមានវ័យ ១៨ ឬ ១៩ ឆ្នាំតែប៉ុណ្ណោះ គ្រាលេងឲ្យ Groningen រហូតដល់ពេលផ្លាស់មក Celtic នៅឆ្នាំ ២០១៣ និងផ្លាស់ទៅ Southampton ឆ្នាំ ២០១៥ ហើយនៅ Liverpool ជាក្លឹបបច្ចុប្បន្ន៕
ប្រភព៖ Goal